الوحدة 1: التأسيس التسويقي · الدرس 1 من 4 · 6 دقيقة
- يعني إيه تسويق؟
- البيزنس بيبيع إيه؟ أشكال القيمة
- المزيج التسويقي (7Ps)
- التقسيم والاستهداف والتموضع (STP)
الوحدة 1: التأسيس التسويقي · الدرس 1 من 4 · 6 دقيقة
قبل ما نتكلم في الكتابة، محتاجين نتفق على حاجة: انت مش بتكتب «كلام حلو». انت بتكتب عشان بيزنس يكسب. وعشان تعمل ده كويس، لازم تفهم التسويق اللي الكلام ده بيخدمه.
التسويق هو إدارة علاقة القيمة اللي البيزنس بيقدمها، مع العملاء اللي عندهم قدرة شرائية، في الوقت والمكان المناسبين، عشان يسهّل عليهم قرار الشرا.
التعريف ده فيه 3 حاجات، وكل واحدة فيها ليها علاقة مباشرة بشغلك:
لما تكتب بوست عن جاكيت شتوي، انت مش بتبيع قماش. انت بتقدم الدفا والشياكة (القيمة)، لواحد بردان ومحتاج يلبس شيك (العميل الصح)، في ديسمبر (الوقت المناسب)، على إنستجرام اللي هو فاتحه كل يوم (المكان المناسب).
دورك ككاتب مش إنك تبيع بالعافية. دورك إنك توضّح القيمة دي للعميل الصح، بحيث لما ياخد قرار الشرا يبقى مرتاح.