البيزنس بيبيع إيه؟ أشكال القيمة

المنتج (Product)

حاجة ملموسة بتتباع وبتاخدها معاك.

أمثلة: علبة بن، موبايل، كتاب مطبوع.

في المحتوى: المنتج محتاج يتشاف ويتحس: صور كويسة، وتفاصيل الخامة، وإزاي بيتستخدم.

الخدمة (Service)

مجهود ومهارة بتقدمها مقابل فلوس.

أمثلة: كشف دكتور، استشارة، شغلك انت ككاتب محتوى.

في المحتوى: الخدمة ما بتتشافش قبل الشرا، فالمحتوى بيبيع الثقة: آراء العملاء، والخبرة، وإزاي الشغل بيمشي.

المورد المشترك (Shared Resource)

حاجة غالية بيستخدمها ناس كتير في نفس الوقت أو بالدور.

أمثلة: الجيم، مساحات العمل المشتركة.

في المحتوى: بتبيع المكان والتجربة: الجو، والأجهزة، والناس اللي هتقابلهم. والأماكن المحدودة بتعمل إحساس بالندرة.

الاشتراك (Subscription)

دفع منتظم مقابل حاجة بتوصلك على طول.

أمثلة: اشتراك منصة أفلام، باقة نت.

في المحتوى: الأصعب إن العميل يفضل مشترك، مش إنه يشترك. المحتوى بيفكّره كل شوية بالقيمة اللي بياخدها.

إعادة البيع (Resale)

تشتري بالجملة وتبيع بهامش ربح.

أمثلة: سوبر ماركت، محل موبايلات.

في المحتوى: المنتج مش بتاعك، فالتميز بييجي من الاختيار، والسعر، والخدمة، والتوصيل.

الإيجار (Lease)

تدّي حاجة بتملكها لحد لفترة محددة.

أمثلة: تأجير عربيات، فساتين سواريه، شقق.

في المحتوى: العميل بيدور على الأمان والسهولة: حالة الحاجة، والشروط، والسعر لكل يوم.

الوكالة / السمسرة (Agency)

وسيط بين البايع والمشتري مقابل عمولة.

أمثلة: مكتب عقارات، وكيل سفر.

في المحتوى: انت بتبيع إنك موفّر وقت ومجهود وعارف السوق. والثقة هي كل حاجة هنا.

تجميع الجمهور (Audience Aggregation)

تجمع ناس مهتمة بحاجة، وتبيع انتباههم للمعلنين.

أمثلة: قناة يوتيوب، موقع أخبار، بودكاست.

في المحتوى: المحتوى هنا هو المنتج نفسه. كل ما الناس رجعت أكتر، البيزنس كسب أكتر.

رأس المال (Capital)

البيزنس بيدّي فلوس لحد، مقابل جزء من مكسبه أو ملكيته.

أمثلة: شركة استثمار في الشركات الناشئة، صندوق استثمار.

في المحتوى: الجمهور بيدور على الأرقام والمصداقية، والكلام بيبقى أدق وأكثر رسمية.

خدمة+إيجار=

الامتياز التجاري (Franchise)

تدّي حد حق استخدام اسمك ونظام شغلك.

في المحتوى: عندك جمهورين: الزبون العادي، واللي عايز ياخد فرع. والتاني محتاج أرقام ونظام واضح.

وكالة=

الماركت بليس (Marketplace)

منصة بتجمع البايعين والمشترين.

في المحتوى: مهم جدًا: عندك جمهورين، البايع والمشتري، وكل واحد محتاج رسالة مختلفة.

خدمة+اشتراك=

البرمجيات كخدمة (SaaS)

برنامج بتستخدمه أونلاين باشتراك بدل ما تشتريه.

في المحتوى: محتاج تشرح المنتج ببساطة، وتوري الناس بيستخدموه إزاي، وتقلل خوفهم من التجربة.

منتج+اشتراك=

صندوق الاشتراك (Subscription Box)

بوكس بيوصلك كل فترة، واللي فيه بيتغير.

في المحتوى: المفاجأة جزء من القيمة: «إيه اللي جاي البوكس الجاي؟»، وفتح البوكس نفسه محتوى.

مورد مشترك+ماركت بليس=

الاقتصاد التشاركي (Sharing Economy)

منصة بتخلي الناس يستغلوا حاجاتهم اللي مش بيستخدموها طول الوقت.

في المحتوى: المحتوى بيبني الثقة بين ناس ما يعرفوش بعض: التقييمات، والضمان، والأمان.